Dewch i archwilio Caerllion Rufeinig
Roedd y Rhufeiniaid yn deall sut i ddewis lleoliad – ac aethent ati i adeiladu Lleng-gaer yng Nghaerllion (Isca i'r Rhufeiniaid) ar groesfan bwysig ar yr Afon Wysg. Roedd y Legio II Augusta wedi'i seilio yma o 75 i 300AD.
Rhaid i ymweliad â Chaerllion gynnwys yr Amgueddfa Lleng, y Baddonau Rhufeinig, y Barics a'r Amffitheatr, a fydd, gyda'i gilydd, yn helpu i roi darlun i chi o'r bywyd y byddai milwr Rhufeinig neu un o ddilynwyr y gwersyll wedi'i gael yma.
Ond, mae gan Gaerllion orffennol llawer dyfnach i'w archwilio, gyda chastell, Gwesty'r Priordy yng nghanol y pentref sy'n dyddio yn ôl i'r 12fed ganrif, a chysylltiadau â'r chwedlau Arthuraidd. Mae siopau gwych yma a mannau da i gymryd hoe a mwynhau awyrgylch y gymuned hynafol hon.
Gyda llaw, os ydych chi eisiau gweld y muriau Rhufeinig gorau yn y Deyrnas Unedig (yn ôl tywyswyr teithiau Mur Hadrian), galwch yn nhref farchnad Rufeinig Caerwent, a sefydlwyd oddeutu'r flwyddyn 75 OC, sy'n lle gwych arall i archwilio'r ffordd yr oedd y Rhufeiniaid yn byw.
Digi Dig 1926 – Llwybr Darganfod Rhufeinig gydag ap ffôn clyfar
Dod â Chaerllion yn fyw
Caer Rufeinig hynafol Caerllion
Time Team yng Nghaerllion
Ymweliad â Chaerllion
Time Team yng Nghaerwent
