Ewch i weld castell neu ddau, neu dri…
Ers cyn cof, mae pobl wedi brwydro dros yr ardal hon – felly mae cestyll i'w cael ymhob man. Erbyn hyn maen nhw'n fannau gwych i'w harchwilio felly gadewch i'ch dychymyg grwydro'n wyllt.
Yr hynaf ohonynt yw Castell Cas-gwent, a adeiladwyd yn 1067, dim ond blwyddyn ar ôl goresgyniad y Normaniaid. Mae'n sefyll yn fawreddog ar frig y clogwyni uwch yr Afon Gwy ac mae'n lle gwych i'w archwilio. Adeiladwyd Castell Rhaglan bron i 400 o flynyddoedd wedyn ac mae'n dal i ddangos arwyddion o'i rôl ddiweddarach fel plasty yn y wlad i Iarll Caerwrangon.
Mae Llwybr y Tri Chastell yn cysylltu Castell Ynysgynwraidd, y Castell Gwyn a Chastell y Grysmwnt – a phob un wedi'u hadeiladu mewn lleoliadau strategol allweddol. Mae'r llwybr yn ymestyn am 19 milltir ac yn eich cymryd drwy dirwedd donnog sy'n drysor cudd. Cliciwch yma i lawrlwytho llwybr Taith Gerdded y Tri Chastell.
Ymhellach i'r de mae Castell Casnewydd, ar lan yr Afon Wysg. Er na allwch chi fynd i mewn i'r castell ar hyn o bryd, mae golygfa wych o'r doc dŵr o Bont Casnewydd.
Castell arall i ymweld ag o yw Castell a Pharc Gwledig Cil-y-coed. Adeiladwyd hwn yn gyntaf gan y Normaniaid a daeth yn blasty Fictoraidd sydd, erbyn hyn, yn croesawu ymwelwyr i archwilio ei hanes yn ogystal â chynnal digwyddiadau gwych bob haf – megis Gŵyl Seidr a Pherai Cymruym mis Mai, a sioe Dubs yn y Castell ym mis Gorffennaf.
Caldicot Castle and Country Park
Travel through time from a medieval castle to a Victorian mansion - Caldicot Castle
