Dewch i ddilyn Llwybr Arfordir Cymru

Cymru yw'r wlad gyntaf yn y byd i sefydlu taith gerdded o amgylch ei ffiniau i gyd – ac mae'r rhan arfordirol yn cychwyn yng Nghas-gwent (yn wir, mae'r adran dirol yn gorffen yng Nghas-gwent gyda Llwybr Clawdd Offa).

Nid llwybr ar frig y clogwyn dros ogofâu cudd yw rhan gyntaf Llwybr Arfordir Cymru, yn hytrach mae'n llwybr ar hyd strwythur amddiffynnol a adeiladwyd yn gyntaf gan y Rhufeiniaid i greu tir amaethyddol gwastad a choeth. Wrth i chi gerdded y rhan hon gallwch ymweld â chymunedau ffermio heddychlon, canfod hen hen dechnegau pysgota a gweld detholiad amrywiol o fflora a ffawna, yn enwedig yng Nghanolfan Gwlyptiroedd Casnewydd. Wrth i chi ddynesu at Gasnewydd, bydd yr amaethyddiaeth yn troi'n ddiwydiant, ac uchafbwynt hyn yw Pont Gludo Casnewydd sy'n rhan o'r llwybr – naill ai drwy siglo ar ei hyd yn y gondola neu drwy ddringo'r 270 o stepiau i groesi yn yr uchelfannau.